Ambasada ruse në Bosnje paralajmëron destabilizim
Ambasada ruse në Bosnje paralajmëron destabilizim
Ambasada ruse në Bosnje paralajmëron destabilizim
Nga OraNews
13 Prill 2022
Ambasada ruse në Bosnje dhe Hercegovinë kritikoi pezullimin e një ligji për pronën e serbëve të Bosnjës dhe ka paralajmëruar për destabilizimin e mundshëm në vend nëse nuk revokohet vendimi i përfaqësuesit të lartë të OKB-së.
Komentet ruse nxjerrin në pah një mosmarrëveshje me Perëndimin mbi politikat në Ballkanin e Paqëndrueshëm, ku Moska ka kërkuar të rrisë ndikimin e saj historik, duke ngritur frikën për një rritje të tensioneve në rajon, ndërkohë që lufta në Ukrainë është ndezur, shkruan Al Jazeera.
Diplomati gjerman Christian Schmidt, kreu i Zyrës së Përfaqësuesit të Lartë të OKB-së në Bosnje, pezulloi të martën një ligj të miratuar në Republika Srpska në shkurt, i cili vendosi se prona e përdorur nga autoritetet publike lokale i përket rajonit gjysmë autonom serb të Bosnjës.
Ambasada ruse, në një deklaratë të transmetuar nga media lokale të mërkurën, përsëriti se Moska nuk e njeh Schmidt dhe i konsideron lëvizjet e tij të paligjshme.
Komentet ruse theksojnë një mosmarrëveshje me Perëndimin mbi politikat në Ballkanin e paqëndrueshëm, ku Moska ka kërkuar të rrisë ndikimin e saj historik. Me shpërthimin e luftës në Ukrainë, ka pasur frikë nga rritja e tensioneve edhe në Ballkan.
Ligji shihet si pjesë e përpjekjes së serbëve në Bosnje për të fituar sa më shumë pavarësi të jetë e mundur.
Në shpalljen e vendimit të tij, Schmidt tha se vetëm shteti boshnjak mund të rregullojë çështjet e pronës dhe kërkoi dialogun brenda Bosnjës për të zgjidhur mosmarrëveshjen.
Udhëheqësit serbë të Bosnjës e kanë kundërshtuar vendimin.
Ambasada e SHBA-së ka thënë se komunitetit ndërkombëtar “nuk i ka mbetur zgjidhje tjetër veçse të veprojë” pasi udhëheqësit serbë të Bosnjës refuzuan të “angazhohen në mënyrë konstruktive” në zgjidhjen e problemit dhe në vend të kësaj ndërmorën “veprim jokushtetues dhe të njëanshëm”.
Rusia ka mbështetur liderin serb të Bosnjës Milorad Dodik, një anëtar i presidencës multietnike boshnjake, i cili është përballur me sanksione të SHBA-së dhe Britanisë për minimin e marrëveshjes së paqes të vitit 1995 që i dha fund luftës që vrau më shumë se 100,000 njerëz dhe bëri miliona të pastrehë.
Në deklaratën e saj, ambasada ruse paralajmëroi kundër veprimeve të Schmidt dhe sanksioneve ndaj Dodik, duke thënë se “e gjithë përgjegjësia për destabilizimin e mundshëm në Bosnje-Hercegovinë do të jetë mbi përfaqësuesit e komunitetit ndërkombëtar”.
Lufta shpërtheu sepse serbët e Bosnjës donin të bashkoheshin me Serbinë fqinje. Dodik ka bërë thirrje vazhdimisht për ndarjen e serbëve nga pjesa tjetër e Bosnjës.
Përfaqësuesi i Lartë në Bosnje ka autoritetin të pezullojë ligjet dhe të zëvendësojë zyrtarët që konsiderohen se shkelin marrëveshjen e paqes të ndërmjetësuar nga SHBA.
Marrëveshja krijoi gjithashtu një këshill shumëkombësh që mbikëqyr zbatimin e paqes, ku Rusia kundërshton në mënyrë rutinore lëvizjet perëndimore.
Nga OraNews